” حسام ابتسم وبص في الارض لثواني و رجع يكلمه تاني ليه بتجيب سيرة امي بس انت عندك حق ، انا فعلا غلطان ، اه والله غلطان ، غلطان ليه بقا ، عشان عاملت واحد زيك ب احترام ” مكملش الجملة وفي اقل من الثانية كان حسام ض,,ربه في وشه بالبوكس ، وبعدها مسك وائل من التيشرت والله العظيم لو لمحتك تاني في اي مكان محدش هيرحمك مني ، اطلع برااا ” وفعلا وائل مشي ، أما حسام قعد على كرسي المكتب بتاعه وحط ايديه على دماغه وحاطط وشه في الأرض
انا اسفة ” مردش عليا وفضل بنفس الوضع بتاعه ، ندهت عليه حسام انا والله مكنتش اقصد انك تدخل في مشاكل بسببي ” رفع وشه وبص ليا مش دي المشكلة ، ممكن هو في الحالة دي يروح ل محامي عشان هو خلاص بقا عارف احنا ناويين على ايه ، ولو انتي فضلتي معايا الموضوع هيدخل في سكة تانية خالص وخصوصا لو هو جايب محامي شمال ، لازم تروحي عند مامتك عشان تبقا كل حاجة ماشية طبيعي
= طب وانت انا هبدأ في إجراءات القضية من بكرا ، لازم نخلص بسرعة لان احنا مش ضامنين رد فعله وبالذات لو واحد زي وائل دا = تفتكر ممكن يعمل فيا حاجة معتقدش ، وعموما متخافيش انا جنبك ولو حصل اي حاجة انا اللي هقف قدامه ، انتي مش لوحدك ، يلا دلوقتي عشان اوصلك للبيت = لا متتعبش نفسك ، انا هروح لوحدي نادية انا مش هعيد كلامي ، يلا اتفضلي قدامي عشان اوصلك
#بقلم : #عمرو راشد
” خرجنا من المكتب و ركبنا العربية بتاعته ، طول الطريق هو كان ساكت وانا بصراحة محاولتش اتكلم ، كنت محرجة جدا بعد اللي حصل والمشكلة اللي دخل فيها بسببي لانه ببساطة كان ممكن يسيب القضية عشان ميعملش لنفسه مشاكل ، انا حاسة ان المشاكل بتزيد أكتر من الاول ، اتنهدت وسندت ضهري وفضلت افكر في كل اللي جاي ، انا مكنتش عاملة حساب كل دا يحصل ، امال أنتي كنتي فاكرة ايه يا نادية ، دي قضية خلع مش هزار يعني في كل الاحوال كانت المشاكل هتكون موجودة ، كنت سرحانة ومخدتش بالي ان العربية وقفت الا لما هو اتكلم
جعانة؟ ” فوقت وبصيت حواليا كنا لسة موصلناش ، رجعت بصتله تاني هو انت وقفت ليه = رد فعل و اجابة ملهمش علاقة بالسؤال ، انا بسألك جعانة ولا لا لا = اصل انا بصراحة جعان ومش هيجيلي نفس ااكل لوحدي ، ايه رأيك تاكلي معايا بس انا مش جعانة يا حسام ، ممكن تاكل انت براحتك = طب يلا هناكل ، هناكل ايه بقا؟ على فكرة انا قولت… = بصي انا هطلب فطيرة سجق إضافة كيري وانتي
انا مش… = هتعجبك جدا ، انا هطلبلك معايا ” نزل من العربية وانا مستغربة ، دا مش سامعني لا دا مش شايفني اساسا ، ايه ياربي دا ، انا مش جعانة اصلا ، نفخت بزهق ، هو احنا في ايه ولا ايه ، بعد شوية لقيته جه و ركب العربية هتاكلي وبعدها هتدعيلي ومش بعيد تدمنيها = حسام انا اصلا… ميزة المطعم دا ايه بقا ، ان حاجته كلها نضيفة وتحبي تجربي كل الأنواع مش نوع واحد بس ، يلا بقا قبل ما الاكل يبرد
” بصو هو الاكل حلو وحلو اوي كمان ، اول مرة اجربها ، بقالي كتير اوي مبخرجش ولا باكل برا على فكرة حلوة أوي = عارف ، قولتلك هتعجبك كان ممكن متعجبنيش على فكرة = لو انا عارف انها مش هتعجبك مكتتش هطلبهالك من الاول وانت كنت هتعرف منين = قدراتي الخاصة بقا بس مش غريبة شوية ، محامي كبير وعنده مكتب يروح ياكل فطيرة سجق = وهو المحامي دا مش بني آدم ولا ايه
لا بني آدم بس يعني.. = انا فاهمك بس انا بحب الحاجات البسيطة ، يعني اكلة بسيطة اهي وعجبتنا جدا إنما ممكن نروح مطعم غالي جدا وميعجبناش ، هي دي الفكرة انك يبقا عندك القدرة انك تروحي للغالي بس أنتي تختاري البسيط والمبدأ دا انت ماشي بيه في حياتك كلها = امال في الاكل بس ، اكيد في حياتي كلها يعني انت معندكش قصر وعندك بدل العربية تلاتة = ايه كل دا ، دا انا لسة هسدد باقي تمن الاكل للراجل صاحب المطعم بكرا
نعم!!! = بهزر معاكي ، بس انا معنديش كل اللي بتقوليه دا ، شقتي عادية وعربيتي مش احدث موديل ، المهم انا اكون مرتاح يا نادية طب مش هنروح بقا ولا ايه ، اصل انا اتأخرت = يلا ” مشينا ، ممكن الضغط يكون راح شوية صغيرين ، على الاقل يعني نسيت المشكلة اللي انا فيها و ركزت في الشخص اللي انا كنت فهماه غلط خالص وشكلي ظلــ,,ـــــمته ، ابتسمت وفضلنا على نفس وضع السكوت دا لحد ما وصلنا
خلي بالك من نفسك ، لو حصل اي حاجة كلميني وانا لو حصل أي جديد هكلمك ” نزلت من العربية وطلعت البيت ، اول ما ماما شافتني اتخضت ايه اللي جابك ، حصل ايه = امشي يعني يا ماما ، مفيش حمدالله على السلامة وهو أنتي كنتي جاية من سفر ، قوليلي بس سيبتي بيتك ليه = مفيش يا ماما اتخانقت انا و وائل يا مصيبتي اتخانقتو ليه ، عملتي فيه ايه انطقي = هو ليه انا اللي اكون عملت مش هو يعني
وهو هيعملك ايه يعني ، انتي اللي دايما بتشتكي ومش عاجبك رغم ان الراجل عامل اللي عليه و زيادة بس انتي اللي مش مقدرة النعمة اللي أنتي فيها
” سيبتها و دخلت اوضتي ، كل مرة ترمي اللوم عليا كأن هو اللي ابنها مش انا ، عمرها ما وقفت معايا ، كل كلامها حافظي على بيتك ومتخربهوش ، طب احافظ على بيتي ازاي بالطريقة دي ومع شخص زي دا ، عنده حق يعمل فيا اللي هو عايزه طالما اهلي مش بيقولو حاجة ، كان احسن حل هو النوم بدل ما اعيط وبالفعل نمت و الايام عدت ، يوم والتاني والتالت والرابع ، لكن كل يوم كان حسام بيكلمني ويطمن عليا مش وائل اللي اتوقعت انه يكلمني وخصوصا بعد ما الدعوة راحتله ، وكدا فعلا دخلنا في الجد ، عدا
أسبوع بالظبط لحد ما في يوم بابا كان في الشغل وماما نزلت تجيب طلبات ، كنت قاعدة ولقيت الباب بيخبط ، قومت فتحت وحشتيني ” لقيته وائل ، كنت لسة هقفل بسرعة لكن منعني و دخل الشقة انت عايز ايه = وحشتيني بقولك وانت لا ، اتفضل امشي بقا = امشي فين بس ، دا امك بنفسها اللي قايلالي ااجي امي هي اللي طلبت منك تيجي = اه هي اللي طلبت ، بس الكلام دا كان من اسبوع لكن انا جيت النهاردة عشان تكوني جاهزة وطلبت منها انها تسيبلنا الشقة عشان نبقا على راحتنا
” جريت بسرعة على الأوضة عشان اجيب التليفون و اكلم حسام لكن هو دخل ورايا هتكلمي مين ، هتكلمي الباشا بتاعك بس للاسف هو مش هيرد عليكي ، انا بعتله ناس على البيت عنده لاني حسيت انه ناقص تربية بس هما هيقومو بالواجب = وائل لو سمحت ابعد عني في ايه يا نادية ، انا سيبتك أسبوع بحاله اهو عشان تبقي جاهزة و حاليا أنتي معندكيش عذر ، يلا اقلعي حالا! يتبع…. رواية قضية خلع الحلقة الخامسة
انتي حاليا يا نادية معندكيش عذر ، يلا اقلعي بقا = انت بني آدم قليل الادب ، اطلع برا اطلع برا ايه ، نادية انتي مش ملاحظة اني بقالي كتير ملمستكيش ، خلاص بقا انا مش قادر استحمل ” بدأت اعيط عشان خاطري يا وائل امشي = احنا خدنا وقت كتير اوي في الكلام و دلوقتي وقت الفعل ” هجم عليا ، فضلت اقاومه لكن هو أقوى مني بكتير ، رماني على السر,,,ير ، قرب مني لحد ما بقيت حاسة بالنفس بتاعه قريب مني اوي ، باسني من خدي و رقبتي
انتي احلويتي أوي يا نادية ” انهارت وصوتي بقا أعلى يمكن حد يسمعني ، لكن هو كتم صوتي ب ايده شششش أنتي عايزة حد يسمع صوتنا ولا ايه ، عيب كدا يا نادية انا جوزك مش حد غريب ” خلاص مش قادرة استحمل ، مبقتش حاسة بالدنيا ، كل حاجة بقت ضلمة وخلاص اغمى عليا ، لما فوقت كان هو مش موجود ، حسيت باللي بيفتح باب الشقة وبيدخل ، صوت خطوات بتقرب من الاوضة لحد ما ظهرت ، كانت امي اللي اول ما شافتني ضحكت بهستيرية شديدة وقالت
والله الواد وائل دا مش سهل دا قالي انه عايز يتكلم معاكي بس ولا تلاقيكي انتي اللي ماصدقتي ان مفيش حد في الشقة وخدتي راحتك معاه ” وكملت وهي لسة بتضحك بطريقتها المستفزة لا بس شكلك خدتي راحتك معاه أوي ، يقطع الحب وسنينه
” مشيت وانا مصدومة فيها ، انا مش مصدقة كلامها ، مش مصدقة اللي انا سمعته ، هي دي امي ولا واحدة شبهها ولا دي مين ، مين اللي كانت بتكلمني دي ، مستحيل تكون امي لا ، اتسندت وهحاول اقوم ولكن رجعت قعدت تاني لاني اكتشفت اني من غير هدوم ، ضميت رجلي وعيطت بخوف ، مرعوبة برغم ان في بيت اهلي ، يعني دا اكتر مكان المفروض ابقا مطمنة فيه ، بس لا انا مش قادرة اقعد هنا دقيقة واحدة ، انا همشي ، قومت وانا مخبية نفسي باللحاف لحد ما دخلت الحمام خدت دش وحتى انا جوا بعيط
، دموعي موقفتش لحظة ، خرجت ولبست ، وانا مش قادرة اتحرك اصلا ، تعبانة جدا وحاسة اني هقع ، لما خرجت امي كانت في المطبخ ، خرجت من البيت ونزلت بسرعة على السلم ، طالعة من العمارة وبحاول اجري ولكن شوفته ، كان نازل من عربيته وبيجري عليا يلحقني حسام ” كانت دي اخر حاجة قولتها قبل ما يغمى عليا تاني ، معرفش غيبت قد ايه من الوعي بس لما فوقت كان باين اني في المستشفى ، الممرضة كانت واقفة جنبي
#بقلم: #عمرو راشد حمدالله على سلامتك ” رديت بصعوبة = هو ايه اللي حصل انتي كنتي مرهقة شوية وواضح انك مش مهتمة ب أكلك الفترة اللي فاتت ، عموما الدكتورة هتفهمك كل حاجة ” حسام دخل الأوضة ، بصتله وانا لسة مش قادرة اتكلم لكن كان قلبي اطمن لما شوفته حمدالله على السلامة ، انا كنت قلقان عليكي أوي ، ليه مكلمتنيش لما حصل كدا = انت… ، انت عرفت ازاي من الدكتورة ، الدكتورة قالت ان حصلك نزيف داخلي ولكن لحقناه ، نزيف من اثر الاعتــ,,ـــــدا عليكي ، وائل صح
” دموعي نزلت والله يا نادية ل اجبلك حقك منه ، اللي حصل دا مش هيعدي بالساهل كدا ” مسك ايدي وقال انا جنبك = وائل بعتلك ناس على البيت غبي ، وائل دا غبي ، هو بعتهم على الشقة بتاعتي القديمة ، شقتي حاليا مفيش حد يعرف مكانها عشان انا دايما بعمل حساب المواقف اللي زي دي ، وطبعا الجيران اتصلت بيا بسبب انهم سمعو صوت ناس غريبة وتكسير في الشقة ، عشان كدا انا جيتلك لإني كنت متأكد انه اكيد جالك طالما عمل كدا معايا
” بدأت اعيط بإنهيار انا خوفت عليك أوي = قولتلك متخافيش ، انا شوفت الكلام دا كتير واللي زي وائل دا انا عارف هو بيفكر ازاي طب خلاص بلاش تدخل في مشاكل معاه = لو سيبناه هو مش هيسيبنا يا نادية اخرج انت من الموضوع يا حسام ، انا هعرف اتصرف = بقولك ايه يا نادية ، انا المحامي بتاعك وبما اني المحامي بتاعك يبقا كل حاجة تخصك تخصني طب هو انا هخرج امتا = أنتي محتاجة راحة كام يوم ، خليكي لحد ما تبقي قادرة تقفي على رجلك
” سابني وخرج ، معرفش رايح فين ، فضلت قاعدة لحد ما نمت تاني ، يومين ، يومين وانا على الحال دا حتى حسام مجاش تاني ، يعني كدا هو مشي خالص ، هو فعلا ايه اللي هيخليه يدخل في المشاكل دي كلها ، هو كدا عمل اللي عليه… ، لقيت الباب اتفتح وحسام دخل ومعاه ، معاه وائل ، وشه كله مليان كدم,,ات فلاش باك
” خرجت من عندها في المستشفى و روحت البيت ، كان الغض,,ب مش مخليني عارف افكر ، مش عارف اعمل ايه ، خايف اعمل حاجة و اندم عليها بس ايه اللي أنا هندم عليه تاني ، كل حاجة في صفي ، نزلت من البيت و روحت على بيت نادية ، عرفته من المكتب لانها كانت سايبة بياناتها عندي ، خبطت على الباب وبعد دقايق وائل فتحلي ، وبمجرد ما فتحلي ض,ربته من اول ما شوفتك وانت باين عليك إنسان واطي وو*سخ
” ضر,بته بالقلم لكن مراتك ليه ، انت مش بني آدم يااخي ، انت ايه ، بتفكر ازاي ولا انت كل اللي بتفكر فيه هو السر,,,ير مش اكتر ” ضر,,بته بالبوكس لحد ما وقع على الأرض انت مريض وعلاجك عندي ” كملت ضر,,ب فيه لحد ما اغمى عليه ، ربطته واستنيته لما فاق ، كان لسة مش في وعيه بص بقا ” كان لسة مش فايق ، ضر,,بته بالقلم تاني فوق معايا يالاا ، اسمعني انت معندكش حلول كتير وتحديدا معندكش غير حل واحد بس وهو انك تطلق نادية
= وانت فاكر اني هطلقها بالساهل كدا كل حاجة ضدك يا وائل ، انت اعتديت على مراتك لحد ما جالها نزيف ، دا غير المحضر اللي انا هعمله انك ض,,ربتها و بتستعمل معاها كل انواع العنــ,,ـــــف الزوجي ، دا غير فضيحة المحاكم وخصوصا انك مش واقف قدام اي حد ، فووق ، انت قدام حسام الهواري ، مفيش محامي يعرف يقف قدامي ، هاا هتطلقها ولا لا بااك ” لقيت الباب اتفتح وحسام دخل ومعاه ، معاه وائل ووشه كله مليان كدم,,ات ، وائل بص في الارض وقال
نادية ” رجع يبص على حسام اللي شاورله انه يكمل كلامه نادية انتي… انتي طالق يتبع…. رواية قضية خلع الحلقة السادسة نادية انتي.. ، انتي طالق = بعد ايه ، بعد ما كسرتني ، تخيل ان جوزي هو اللي يكسرني ، يا ترى لسة فاكر انك جوزي ولا انت كنت بتقضي وقت معايا وخلاص يا نادية انا عارف اني غلطان بس بلاش تبقا دي النهاية ، الأكيد ان خلاص كل واحد هيروح لحاله بس على الاقل سامحيني
” صرخت في وشه اسامحك!! ، اسامحك على ايه ولا ايه ، انا مش عارفة اسامحك على ايه بالظبط ، على اهانتك ونظرتك المــ,,ـــــخيفة ليا دايما ، ايوا انا بخاف منك ، والله بخاف وانت بتبصلي ، بحسك بتاكلني بعنيك ، انت اخطر عليا من اللي بيكونو في الشارع ” دموعي خانتني ونزلت
انت متخيل اني المفروض لما اخاف اجري عليك واستخبى لكن انا ممكن اجري على اي حد استنجد بيه الا انت ، انا بس عايزة اعرف انت ليه عملت فيا كدا يعني قولي انا عملتلك ايه وحش ، قولي يمكن انا غلطانة ، دا انا… ، انا كنت بدور ازاي اعرف اخليك مبسوط ، بس انت أكتر حاجة بتبسطك هي.. ، هي انك تنام معايا ، على فكرة انا مش معترضة ، دا حقك ، بس انت بتعمل كدا معايا كأني واحدة من الشارع
” مبقتش عارفة اسيطر على نفسي ، مش عارفة اتكلم من كتر العياط وحتى لما بقولك لا ، انت برضو بتعمل كدا غصب ، فاهم يعني ايه غصب ، دا غير ادمانك الغير مبرر للحاجات اللي انت بتشوفها ، بتشوفها ليه ، هو انا مكنتش مكفياك طيب ، يعني انا مثلا كنت مهملة في نفسي ، وحتى انت بتشوفها وبتقولي تعالي اتفرجي معايا ، اتفرج على ايه وائل ، اتفرج على ايه ، انت مش عارف انه حرام ، ازاي تقولي كدا وازاي جالك قلب تعمل اللي انت عملته في بيت اهلي دا ، ليه يا وائل ليه
” بدأت أصرخ فيه ، حسام قرب مني وبدأ يهدي فيا ، وفورا الدكتور دخل الأوضة وطلب من وائل و حسام يخرجو برا ، الممرضة جت وحاولو يرجعوني للسر,,,ير عشان يدوني حقنة مهدأ وبالفعل بعد دقايق انا مكنتش حاسة و رجعت نمت تاني… ، مكنتش عارفة نمت قد ايه لكن لما فوقت لقيت حسام قاعد جنبي ، ندهت عليه بصوت هادي جدا لاني مكنتش قادرة اتكلم حسام ” فتح عينه بسرعة و قام وهو مخضوض
أنتي كويسة ، في حاجة بتوجعك؟ = انا.. ، انا كويسة محتاجة حاجة طيب ، شكلك جعانة ، انا هكلمهم يجيبو الاكل حالا = حسام انا مش عايزة ااكل طب عايزة ايه وانا اجيبه = هو راح فين نادية الموضوع دا خلص ومش هنفتحه تاني ، متجبيش سيرته لو سمحتي ، هو مشي خالص = خايفة يرجع تاني لو رجع هيتحبس ، المرادي مش هسيبه غير وهو في السجــ,,ـــــن = حسام انا عايزة اخرج من هنا
مينفعش يا نادية ، انتي لسة تعبانة = هبقا كويسة بس عايزة اخرج عشان خاطري عشان خاطري انا خليكي هنا ، على الاقل انا هنا مطمن عليكي شوية طب لحد امتا = يعني يومين
” بس ثواني هو انا هخرج اروح فين ، هو انا ليا مكان تاني ، مفيش غير بيت اهلي وأنا مستحيل ارجع هناك تاني ، بس كدا انا هقعد في الشارع ، هروح فين ، اول حاجة اكيد جات في بالي هما صحابي ، بس للاسف انا مليش صحاب ، انا مليش حد اساسا ، صعبان عليا نفسي اوي وانا مليش حد الجأله ، معنديش غير حل واحد ، انا تقريبا معايا في البيت 5000 جنيه ، هاخد شقة ايجار و احاول الاقي شغل واعيش لوحدي بعيد عن اي حد لكن المهم اني اخرج الاول من هنا ، عدا الوقت و
قعدت بالظبط 5 أيام في المستشفى ، حسام مسبنيش تقريبا ولا لحظة ، كل يوم كان معايا ، واخد باله من اكلي ومن مواعيد العلاج ، متابع حالتي كويس مع الدكتور عشان يطمن في تحسن ولا لا ، بيعمل كل حاجة تقريبا ، تعرفو انا اول مرة حد يعمل معايا كدا ، اكيد اهلي كانو بيعملو كدا لما بتعب ولكن مش بنفس الاهتمام دا حتى وائل ، لما كنت بتعب كان بيديني فلوس و اروح اكشف لوحدي وحتى لما برجع بينسى يسأل أنا عملت ايه هناك ، محدش عمره افتكرني غير حسام اللي يدوبك عارفاه بقالي أسبوع او 10 ايام ،
بس وأخيرا انا خرجت من المستشفى ، ركبنا العربية بصي يا نادية ، انتي ممكن تقعدي في شقتي مؤقتا وانا هرجع شقتي القديمة ، ايه رأيك = لا طبعا انا مش موافقة ، انا خدت قرار ، انا هأجر شقة واعيش فيها وهدور على شغل واشتغل واصرف على نفسي طب هقولك ، انتي حاليا لسة في مرحلة الشفاء ، تعالي عندي لحد ما الاقيلك شقة كويسة = برضو لا ، احنا ندور من دلوقتي